2008年12月28日星期日

IT人創業

有一個SinaBlog我間唔中會睇的,就是[程式設計員的創業分享網誌],簡單介紹一下就是這個Blog主是一間本地軟件公司MemDB的老板,雖然他的Blog商業味極濃。
但另一方面,他早在2000年時已自行發展公司,由他的Blog文所見,他應該是香港少數一人開辦但最後成功的公司,其實都不是冇原因,我自己都開發過庫存系統,Shopping Cart,CRM等等Application,他的軟件的確是很合中小企或Budget有限的商戶口味。

剛看到他之前的舊文章[富程式員,窮程式員],
文中提到富程式員和窮程式員的分別:
1) 富程式員會為自己發展系統,窮程式員只會為別人發展系統。
2) 富程式員會利用系統來幫他賺錢,窮程式員要從開發系統才可以賺錢。
3) 客戶、合作伙伴、代理商和投資者會來找富程式員,窮程式員要找人給他一份工作。
老實講,有返咁上下工作經驗的人又何嘗唔知這個道理,當然我不是在"差能廚"他的睇法,他說的都是沒錯。
但開一個小小的軟件公司談何容易,除了要有冒險精神,"成本"就是自己的時間。先寫好固有的軟件做貨品,起好網頁做Showcase,再找客源這幾個stage已經不容易。
因為這段期間,你是沒有收入的。還未一些細節如版權,公司註冊上的細則,文件等等都要去花時間。
所以本身的資金除了應付公司上,還有自己日常開支上。

過了這個2008年,我很大機會會辭職,
的確有如[程式設計員的創業分享網誌]中說 : ( 沒有週詳的計劃, 但只覺得工字不出頭, 很想試一試 )。

的確,我現在就是這個心情,往往我就是在矛盾要不要踏出第一步。
我唔娛樂,都要住都要食。
當我由踏出第一步,直到第十步的時候,我賺取的,有沒有一份糧已經是令我卻步的原因。
所以充裕的資金作守業就很重要。

2008年12月24日星期三

在iPhone上的[搖奶]遊戲

大家看到下面的這段視頻,是由app自制軟件iBoobs的開發者上傳到YouTube上的。
正如各位所見,它向我們展示了iPhone的動作感應加速器在模擬胸部物理運動(俗稱「乳搖」)時的實際效果。

根據iBoobs的開發者介紹,他們在這種胸部物理運動模擬軟件的應用方面還有很多設想,比如支持胸部尺寸和其他參數的自定義,還可以利用iPhone的屏幕加入觸摸功能等等……

當然,大家現在在App Store上還下載不到iBoobs,因為據它的開發者稱,蘋果已經拒絕了發佈這個軟件的請求。一次相當不性感的拒絕。

如此一來,估計某些沙灘排球遊戲永遠都不可能會出現在iPhone上了,Team Ninja,實在是太遺憾了。

Merry X'Mas 2008!!!

剛過了12點,現在是12月24日了~咁又過左一年~未來兩天都是上大陸過算了~

真係要放鬆一下自己,近排工作真的很辛苦,近這個月真的是每天9:30am返到公司就打Code打到夜晚7:00pm放工,今天知道原來公司已經炒左兩個人,老細還出Email向全公司人說因由,但唔打由自可,睇完封Email仲灰。

老細出的Email有一句話,好多同事睇完,食飯時討論都有點反感,果句大概係: ( ....現今經營環境困難,我不容許有人違反公司的規則,這就是的的公司文化,如你接受不了不斷改善的規則,請你盡早找其他工作,盡早離開,這裡不適合你....)

我唔知老細用意係想挽回士氣定想打擊士氣,但好明顯,這封Email唔出好過出...不過我可能做到一月中就辭職,事實上公司有一些問題我不能接受,亦覺得我做唔長。

我的公司,大概是一些Production House,舉幾個例子:
1. 公司本身並沒有Java人,Sales接到一件JSP爛尾Web Project,找一個只寫PHP,沒有C#根底的人去接手,最後當然做到果個人半死....

2. Sales本身沒有任何基本Web或基本開發知識,做唔做到,時間耐唔耐,難唔難做,等等問題一概不理,總之接到單就OK,但最後變相我們辛苦,好似近期我寫PHP時就遇到一個客要用大陸的支付寶API,真係頭都痕埋。

3. 一間公司的PM應該是分配Resource,而不是連自己都要寫埋Program。我明白PM要"捽schedule",但如果時間/Resource分配得好,一開始就了解個Scope有幾大,時間要幾耐,根本唔需要"捽schedule"。

但最慘我公司就是這樣......雖然現在經濟環境實在很差,但是我都習慣左起逆境去搵工,好似2003時SARS咁,再到後期拎住張Form5成績表搵Programmer工,其實一向都係難,只係自己有運氣起10月時咁岩雷曼兄弟爆鑊,我就搵到而家呢份工。

現在唯有死守到一月中,看看自己精神力可不可以容忍過埋新年吧...

最後祝大家聖誕快樂~

2008年12月10日星期三

月記 2008-12-10

- 唔....其實電腦節是很擾民,好彩今日已經完結,其實做過香港既硬件公司都知道,最唔應該就是去電腦節呢o的散貨場買o野,其實電腦節搞左咁多年,心水清既人都知道等多一排,腦場個價都會係一樣,而且電腦節係俾人散RMA貨用。。。
什麼是RMA???即係維修完返o黎既翻新貨...

- 仲有14日就平安夜,工作天即係10日左右,依然都是打算在香港渡過...我已經開始有Holiday Mood...

- 近排看下招聘網站的確少左好多空缺,但我打算過埋新年,再轉一次工,現在的公司,約30人,但好明顯差不多有3份1人都應該是等過年....這間公司很難令人有歸屬感。這間公司存在著一個問題就是Sales部門同Development部門之間溝通不足,而上頭又下了不知明的指令叫我們不要和其他部門混熟。
而公司接Project一貫作風就是那種"係生意就唔理3721,接左先",不論人手夠唔夠或做唔做到。
好似近期有個只寫PHP的同事在完全未接觸過Java情況下,要接手一單用Struct 開發的JSP網站,最後結果係點就未知,不過Deadline就到,見到佢日日做到奏晒眉頭。

而且不知是否公司的Programmer貴好多 (其實我自問我真係唔貴),全Team人10條友,但Designer佔7個,或者老板覺得Web Design係會辛苦過Web Programming,變相起整條Work Flow下,1個Programmer VS 2個 Designer,假如佢地一個月有兩個Layout出,Total 4個,我地一個月就要起4個Web App ,計工作天的話就是5日一個,做係做到,不過就太趕了~Anyway,這類流水式作業的血汗工廠還是早走早著,下次都係搵返In-house做好過。

2008年11月25日星期二

經典台妹小潔Naomi原來已經結婚了~

今天才有時間看1101的我猜,看到小潔~
假如你有8-10年網齡,幾乎沒可能未看過小潔~當年不少中港台大小貼圖區,新聞組都是她的相片,
她當時的稱號是西門町之花,有無數香港女仔更盜用小潔的相片交友,亦有無數無知少男受騙。

當年未有Google,中港台之間,網路都未有現在咁流通,很多香港人都不知原來是台灣妹(我都唔知,我當時仲以為西門町是在日本-_-",因為有個"町"字),還有很多人說是日本妹,不過突然之間有一段長時間沒有她的新相片,好像突然消失咁。

今天看到她,真是回想返10年前自己還是16,17歲時上網的日子....無論如何,結了婚的小潔都是正妹~
送上20081101 我猜超Sexy七年級美人辣媽 小潔片段 / 最新照和PCHome/無名/flickr相簿


2008-11-01 我猜我猜我猜猜猜 part 7
2008-11-01 我猜我猜我猜猜猜 part 8
flickr相簿
http://www.flickr.com/photos/kosorry
無名
http://www.wretch.cc/user/naomi0619
PCHome相簿
http://photo.pchome.com.tw/naomiaaron520





2008年11月24日星期一

兩年前的趙碩芝更正

趙碩芝唔止身材好,的確佢都幾靚女。
其實佢兩年前比而家更加正,起佢Xanga搵到呢一批相,其實佢長頭髮好睇過而家短頭髮好多。

深圳耗資43億建新火車站

節錄於 : 深圳耗資 43億建新火車站
深圳市政府將投資43億元人民幣,在龍華建新火車站──深圳北站,並在2011年中用。新車站將成為廣深港高速鐵路、廈門至深圳鐵路的主要車站,同時接駁往北京、福建、杭州等地的客運專線。
屆時,港人由西九龍乘廣深港高速鐵路到深圳只需要16分鐘。...屆時,旅客可乘鐵路到香港、廣州、福建廈門,乘地鐵則可到深圳大部份地區。車站亦有巴士、的士站及長途巴士站,網絡四通八達。有出席審查會的專家指出,深圳作為一座移民城市,人口流動性很大,中、長途客運一直保持旺盛需求。
反觀,目前位於羅湖的深圳(火)車站,容量小,不少外來打工者都要先坐車往廣州,才可轉車回鄉,因此當局急需興建深圳北站。此外,為配合深圳市內多個新建的火車站,國家鐵道部確定龍華的新車站名為深圳北站後,現有的同名車站(經營貨運)則正式改名為筍崗貨運站...


正呀! 前幾年我已經話我將來未必會起香港買樓。
起香港買一層樓,即變樓奴。似樣o的都過百萬,起咁既時勢有排供。

其實睇返近十年,買樓人士都幾慘,假設你起2000年時買樓,中間已經經歷過SARS同近期既金融海嘯,隨時負資產。
所以同人傾開,我都話我買樓都會考慮深圳多過香港。
其實而家無論經落馬洲或者皇崗都好快,羅湖就耐好多,如果前兩者的話,唔計等車時間,只計車程都係60分鐘,問題在於"過兩關"。

以皇崗為例,去到香港關要落一落車過E道再行返去車站轉搭大巴或黃巴士,呢度已經浪費左十分鐘,撞正多人過關,E道其實唔快得人手過關好多。皇崗出關後,如果你唔係搭白牌既話,上天橋轉左等的士,多人既話,閒閒地等三四個字。最慘係佢等的士果度真係十年如一日,一到夏天就又焗又熱。

至於落馬洲,就方便好多喇,過左香港關,行一條幾分鐘既路就過埋大陸關,另外還有好處既係,一出已經可以轉深圳地鐵,行多幾步搭的士又得。

如果可以有周邊配套令時間再快一點,相信搬上深圳住是指日可待。